ოქტომბრის ბოლოს კომპანიები უკვე იწყებენ საახალწლო სამზადისს, რაც, ბუნებრივია, გუნდის წევრებისთვის საჩუქრების შერჩევასაც გულისხმობს. კარგად მოფიქრებული საჩუქრით კომპანია თანამშრომლებს მთელი წლის შრომისთვის მადლობას უხდის და მათ მიმართ მზრუნველობას გამოხატავს.
თუ საახალწლო საჩუქრები ჯერ არ შეგირჩევიათ, სტამბა „სეზანი“ რამდენიმე იდეას გთავაზობთ.
რატომ აფასებენ თანამშრომლები კომპანიის საჩუქარს?
საჩუქარს გუნდის განწყობაზე იმაზე დიდი გავლენა შეიძლება ჰქონდეს, ვიდრე ეს ერთი შეხედვით ჩანს. ამაზე სასაჩუქრე პლატფორმა Snappy-ს მიერ 2024 წელს აშშ-ში ჩატარებული გამოკითხვის მონაცემებიც მიუთითებს: გამოკითხულთა 71% ამბობს, რომ სადღესასწაულო საჩუქარი მათ დამსაქმებლის მიმართ უფრო დადებითად განაწყობს. გამოკითხულთა 54% კი აღნიშნავს, რომ უფრო დიდი ალბათობით დარჩებოდა იმ კომპანიაში, რომელიც მადლიერებას ამ ფორმით რეგულარულად გამოხატავს.
თანამშრომლისთვის ისიც მნიშვნელოვანია, როგორი სიტყვებით ულოცავს კომპანია ახალ წელს. მაგალითად, იმავე პლატფორმის 2025 წლის გამოკითხვის მიხედვით, თანამშრომელთა 62%-ისთვის საჩუქარი უფრო ძვირფასია, თუ მას გულწრფელი სიტყვებით დაწერილი მისალოცი ბარათიც ახლავს თან. ეს კი ნიშნავს, რომ ადამიანებისთვის ღირებულია ყურადღება და სითბოც, რომელსაც საჩუქრის მიღმა გრძნობენ.
საახალწლო საჩუქრის იდეები თანამშრომლებისთვის
ქვემოთ ჩამოთვლილი იდეები როგორც ყოველდღიურად გამოსაყენებელ ნივთებს, ისე სიმბოლურ საჩუქრებს მოიცავს. მათ გასაფორმებლად კომპანიის ფერების, ლოგოსა და პერსონალური წარწერების გამოყენება შეიძლება. კალენდრებთან და ბლოკნოტებთან ერთად სტამბაში სასაჩუქრე შეფუთვა, ეტიკეტები და მისალოცი ბარათებიც მზადდება.
ბრენდირებული კალენდარი
სასაჩუქრე კალენდარი პრაქტიკული ნივთია, რომელსაც თანამშრომელი მთელი მომდევნო წლის განმავლობაში გამოიყენებს. მის გვერდებზე, კომპანიის ფერებსა და ლოგოსთან ერთად, შეიძლება სამოტივაციო ფრაზები ან კომპანიის ისტორიიდან საინტერესო ამბები დაიბეჭდოს.
კალენდრის ფორმატი სამუშაო გარემოს მიხედვით უნდა შეირჩეს: A5 ფორმატის მაგიდის კალენდარი მცირე ადგილს იკავებს, A2 ფორმატის კედლის კალენდარი კი საერთო სამუშაო ოთახისთვისაც შესაფერისია.
პერსონალიზებული ბლოკნოტი
ბლოკნოტები გრავირებით თანამშრომელს სამუშაო გეგმების, იდეებისა და ყოველდღიური დავალებების ჩასაწერად გამოადგება. ბლოკნოტის ყდაზე კომპანიის მცირე ზომის ლოგოსთან ერთად თანამშრომლის სახელიც შეიძლება ამოიტვიფროს.
სასაჩუქრე ნაკრები ყუთში
ნაკრებში, მაგალითად, ბლოკნოტი, კალენდარი და მისალოცი ბარათი შეიძლება მოთავსდეს. სასაჩუქრე ყუთის ზომა და ფორმა ნაკრებში შემავალი ნივთების მიხედვით უნდა შეირჩეს. მის გასაფორმებლად კომპანიის ფერებისა და ლოგოს გამოყენება შეიძლება.
ბრენდირებული ჩანთა
ქაღალდის ჩანთა სასაჩუქრე ნაკრების გადასაცემად მოსახერხებელია. სასურველია, ჩანთის ფერები, ლოგოს განლაგება და ქაღალდის ფაქტურა ყუთის დიზაინს შეესაბამებოდეს. ყუთის მსგავსად, ჩანთასაც შეიძლება დაემატოს საკიდი ეტიკეტი თანამშრომლის სახელითა და მოკლე მილოცვით.
ღვინო ინდივიდუალური ეტიკეტით
ღვინო ტრადიციული საახალწლო საჩუქარია, რომლის ბოთლიც ინდივიდუალური ეტიკეტით შეიძლება გაფორმდეს. კომპანიის ფერებში დაბეჭდილ ეტიკეტზე კი ლოგოსთან ერთად თანამშრომლის სახელი და მოკლე მილოცვა განთავსდება.
პერსონალური მისალოცი ბარათი
მისალოცი ბარათით კომპანია თანამშრომელს ახალ წელს ულოცავს და გაწეული შრომისთვის მადლობას უხდის. ამიტომ დიზაინთან ერთად მნიშვნელოვანია ტექსტიც, რომელიც კონკრეტული თანამშრომლისთვის დაიწერება. ბარათი შეიძლება ფაქტურულ ქაღალდზე დაიბეჭდოს, მილოცვა კი ხელით დაიწეროს. თუ საჩუქრები საახალწლო კორპორაციულ საღამოზე გადაეცემათ, იმავე სტილში შეიძლება მოსაწვევი ბარათები დამზადდეს.
როდის შევუკვეთოთ საახალწლო საჩუქრები?
საჩუქრების დამზადების ვადა ნივთების სირთულესა და რაოდენობაზეა დამოკიდებული, ამიტომ საახალწლო სამზადისის დღესასწაულამდე სულ მცირე ორი თვით ადრე დაწყება სასურველია. თავდაპირველად ისეთი ნივთები შეარჩიეთ, რომლებიც თანამშრომლებს გამოადგებათ და მათდამი თქვენს ყურადღებასაც გამოხატავს.
ყველაზე მეტი დრო ჩანთებისა და ყუთების დამზადებას სჭირდება. ჯერ შეფუთვის ციფრული და ფიზიკური ნიმუშები მზადდება, მათი დამტკიცების შემდეგ კი სტამბა სრულ ტირაჟზე მუშაობას იწყებს. შეფუთვის მომზადების პარალელურად კალენდრები და ბლოკნოტები იბეჭდება და იკინძება.
ბოლოს თანამშრომლებისთვის საახალწლოდ მისალოცი ბარათები იბეჭდება. ამას რამდენიმე დღე სჭირდება, თუმცა პირადი მილოცვების ხელით დასაწერადაც უნდა დაიტოვოთ დრო. ამის შემდეგ ნაკრების შეფუთვა და მათი გადაცემა შეგიძლიათ.
ამ ეტაპების დროულად გასავლელად უმჯობესია, სტამბასთან თავიდანვე შეათანხმოთ ნაკრების შემადგენლობა, დიზაინი და ჩაბარების თარიღი. ასე წინასწარ გეცოდინებათ, როდის იქნება კორპორაციული საჩუქრები მზად და თანამშრომლებისთვის მათ გადაცემასაც მშვიდად დაგეგმავთ.
სტამბა „სეზანი“ პოლიგრაფიის სფეროში 1993 წლიდან საქმიანობს და ოფსეტური თუ ციფრული ბეჭდვის მეთოდით სასაჩუქრე ყუთებს, ჩანთებს, ბლოკნოტებსა და კალენდრებს ამზადებს. საახალწლო ნაკრების შესარჩევად ჩვენი გუნდი დიდ დიღომში, არჩილ მეფის ქუჩის პირველ ნომერში გელოდებათ.